Kva gjorde dei dagen før den 17 i 1814? Kjende dei at no var dei like ved; no hadde dei fullført verket som skulle sette skuta Norge til havs for å segle på eiga hand: med eige hand på rattet! Dei hadde grunn til å vera nøgde med seg sjølv. Med nødvendige justeringar undervegs har ho lost oss gjennom ei historie med svære forandringar, ein union, ei oppløysing av unionen, to verdskrigar.
Vi førebur oss på 17. mai; vi får vel pynte oss sjølv om vi ikkje kjem saman, finne fram flagget slik at dei vaiar og minner om fellesskap sjølv om vi enno ikkje kan være saman slik vi plar.
I kyrkja har vi førebudd oss med å gjere opptak frå alle kyrkjene slik at vi alle i morgon tidleg klokka ni, eller når vi måtte lyste utover dagen kan sjå og høyre ei lita gudsteneste frå kyrkjene våre, lytte til vakker 17. mai musikk, få glimt frå den flotte kommunen vi bur i.
No livnar det i lundar er sjølvskreven, i morgon får de han med langeleik
844 No livnar det i lundar
Tekst: Elias Blix 1875
Melodi: Ludvig M. Lindeman 1865
1 No livnar det i lundar,
no lauvast det i li,
den heile skapning stundar
no fram til sumars tid.
2 Det er vel fagre stunder
når våren kjem her nord
og atter som eit under
nytt liv av daude gror.
11 Du vår med ljose dagar,
med lengting, liv og song,
du spår at Gud oss lagar
ein betre vår ein gong,
12 då me med vigsla tunge,
med kjærleik heil og klår,
alt utan brest og sprunge
skal lova Herren vår!